renato's profilerenatoPhotosBlogListsMore  |  Tools Help |
|
April 17 "pa panza"___CASA DI CURA "don MINICU"Quannu a panza fa rumuru
comu fussi nu tammuru,
e lu basciu funnamentu
spara trona e ciuscia ventu.
Non ciccari u fammacista
chi ti cala la rapista.
Non parrari ccu dutturi
chi ti manna o "Criaturi".
Non truvari chiù scammogghi,
futtitinni di li dogghi
si continui di stu passu,
và a finiri chi tt'ammogghi.
Pi sanari la to panza
senza fari pinitenza
cca c'è l'ultima spiranza,
ietta manu 'nta dispensa".
Non girari comu un pazzu,
non tirari chiù lu lazzu
si ci teni a la to peddi
e ti voi vaddari i spaddi
'ta li Coddi di San Rizzu
'chianitinn di primura.
Quannu arrivi e "Quattru Stradi"
fra li pigna profumati
propriu a 'mmenzu la natura
a manu ritta...c'è na "Casa i cura",
chi "Don Minicu" cunsigghia
puru a tutta la famigghia.
Non è fari "mpegnativa"
non c'è "ticchiti" i pagari
basta sulu na "pagnotta"
pa'rrivari a..."Ntinnammari".
|
|
|
